جرّح خفوقي تالي الليل برّاق

وفي ضامري قامت تلاعج بروقه

عسى المطر ينـزل من الغيم دفّاق

ويسقي عطش قلبٍ ضاميٍ من عروقه

وكتبت لك مما جرالي بالأوراق

وصورت لك كل الضنون الصدوقه

عليك قلبي دايم الدوم خفّاق

ودموع عيني فوق خدي دفوقه

ومن زود حبك صحت بالحيل مشتاق

وعيني على شوفك وقربك شفوقه

إن مت من سبة هواجيس وفراق

روحي تراها قبل موتي محروقه

الموت شفته واقف على الباب دقاق

وقبري حفرته وفي ضميري شقوقه

الحب يا ..... للمحبين سرّاق

وأنا سرقني يا حياتي بطروقه

الله يردك بالسلامه والأوفاق

وعسى الوصل ما فيه شي ٍ يعوقه

بيني وبينك حب وإحساس وعناق

والكل منا راح ماخذ حقوقه

واليوم يوم البرق يبرق بالآفاق

جدد بقلبي كل نبضة خفوقه

وعادت غصون القلب تزهر بالأوراق

وشفت الفرح تحته يرفرف وفوقه

ما أدري متى عيني تشوفك وتشتاق

عينك لشوفي تحت شمس ٍ شروقه

وكتبت لك في ليل مظلم وبرّاق

في ضامري قامت تلاعج بروقه