أنا يا من يعذبني هواها

بعد ما زاد في قلبي غلاها

كتبت وصغت من روحي رسالة

تعذّب بالفعل من هو قراها

أنا مجروح من عدّة ليالي

جروحٍ ما بعد جفّت دماها

سبايب من جفتني ثم عادت

على قلبٍ يبيها وما نساها

وأنا مرضان وراقد في سريري

وهي سبّة مرض روحي وشقاها

وبدل ما تتصل وتشوف حالي

وهي أدرى بمرض روحي ودواها

تعاتبني عتاباً كان قاسي

وتقول إن الخطا ما هو خطاها

إذا حبّت بيوم إنسان غيري

تموت ولا تبيع اللي شراها

أبيها ما تخسر اللي تحبّه

ما دامه بالفعل مثلي رجاها

أبيها لي تذكرت اللي ذكرته

تعرف شلون قلبي ما عصاها

عسى الأيام تكشف ما كشفته

وتشوف اللي جرى لي من وراها

أنا مثل القزاز اللي تكسّر

سبايب صدها وسبّة عناها

أنا يا أجمل أبيات القصايد

يا أجمل بنت يعجبني حلاها

يا ..... يا قمر ليلي وعيني

أشوفك دوم للدنيا ضواها

يا ...... يا غرامي وتاج راسي

يا أجمل من يعطّرني شذاها

يا ....... يا نهر من شوق دافق

يا أعذب من عطش روحي رواها

يا ...... لو عرفتي ما جرى لي

رجعتي لروح تشعر في فناها

أحبك واعترف لك بالمحبّه

جذور القلب جف اليوم ماها

عسى ربي يردّك يا سحابه

على روح ٍتحبك من وفاها

وكتبت وما كتبت إلا رسالة

واردد ما كتبت بمتداها

أحب اللي يعذبني هواها

بعد ما زاد في قلبي غلاها

أنا المجروح يا ..... وأعالج

جروح ٍ ما بعد جفـّـت دماها