يا برق يلّي تالي الليل براق

بلغ نظر عيني كلام الحقيقه

إني لها في كل الأوقات مشتاق

وبالقلب منها صارت اليوم ضيقه

يا برق من غابت وأنا خاطري ضاق

وجروح قلبي من بعدها عميقه

راحت وأنا دمعي على الخد دفـّـاق

وخيالها ما غاب عني دقيقه

راسخ ٍ غلاها في خفيـّـات الأعماق

وعندي لها بالقلب صوره رقيقه

من بعدها للقلب والعين ما لاق

ما بي سواها من جميع الخليقه

إذا زعلت بعيوني تضيق الآفاق

ويزيد شوقي لا تزايد خفيفه

البارحة يا لين حزّان الأشراق

سهران لين الصبح شعشع بريقه

ناديت لك يا برق من حرّ الأشواق

عسى تبلغ من عشيق لعشيقه

أعذب كلام ٍ ينكتب فوق الأوراق

من شاعر ٍ نور الأمل في طريقه

يا برق أنا من سبـّة الصّد معتاق

طال الزّعل ودموع عيني دفيقه

عساك يا برق ٍ مع الليل بـّراق

عنـّي لبعد عمري تقول الحقيقه