لعيون من يسكن أحاسيس وقلوب

سطّرت في خد القمر تحفة الماس

معشوقةٍ تنزف مجرّات وطيوب

في شف من فيّض محيطات واحساس

في قلعة امجاد وسلاطين وشعوب

نجمٍ على شانه من الساس للساس

جادت قصيدة فرحتي عادة عتوب

واستلهمت من سيّدي فرحة الناس

في يوم عزٍ للفرح أمم دروب

في طلّة اللي طلّته ترفع الراس

يا هناك ياللي تشرب احساس موهوب

من مهجة اللي للتباشير عسّاس

مجد الوطن في قمّة المجد مكتوب

أمن وأمان وللأساطير نبراس

هذا خليفة سيّدي جاك مصحوب

في فزعة الله للوطن دون حراس

أجر وعوافي قالها كل محبوب

في تاجنا اللي ما له حدود وقياس

يقولها اللي سيّر احساس مسكوب

من فوق غيم وفوق سندس وقرطاس

يا بوعلي في غيبتك كنت متعوب

وفي طلّتك يا سيّدي غاب هوجاس

معنى الكلام اللي بلا شك محسوب

رغمٍ على أنف الذي يضرس اضراس

الله يديمك سيّدي غير محجوب

عن شوفة اللي للفرح يقرع اجراس

حيثك لنا في هامة الكون منصوب

ما تشبه الّا هامة امجاد نوماس

سبحانه اللي ما جعل فيك عذروب

وخلّاك يا مجد الوطن تهزم الباس

لين اهتنا في طلّتك كل منجوب

في مملكة حلم وطموحات وانفاس

لولاك ما غنّيت للناس مسحوب

في يوم عيد وإحتفالات واعراس

ما غرّد القمري على راس نبنوب

من جيلنا الحالي الى جيل جسّاس

حبّيت اطرش لك عن الناس مندوب

يكشف لك اللي بين الاضلاع غطّاس

(سلمان) سطّر لك من الصوب للصوب

أبلغ معالم فرحة الكون والناس

الله يديمك بالفرح دوم معصوب

يا نادر اوصاف ومهارات واجناس